كولر: جمهور الأهلي يطالبني بال13 بعد صفارة الفوز على الترجي.. التمرين بحب و جدية شرط اللعب.. موديست مستمر لآخر الموسم.. وسام اختيار لجنة التخطيط.. رحيل عبدالحفيظ قرار الإدارة.. ضم اللاعبين للمنتخب في الأجندة الدولية.. جماهير الأحمر بتحب اللاعب الحريف
🚨🚨ملخص حديث مارسيل كولر اليوم في MBC :
📌أعمل ضمن منظومة كبيرة ومناخ الاهلي دائماً يساعد الجميع علي النجاح
📌إمبارح ملحقتش أروح أنام بعد الماتش لقيت الناس بتقولي فين الـ13، قولتهم يومين بس نرتاح ونفكر قالولي خلاص نفكرك بعد بكرا
📌اتناقشت مع الجهاز الفني بعد إصابة معلول عن البديل، وسامي قمصان هو صاحب فكرة مشاركة كريم فؤاد لأنه قالي لعب موسم كامل في الناحية دي
📌علي معلول لاعب عظيم وله دور كبير ومؤثر خارج وداخل الملعب، وصعب جدا حد يكرر مسيرته .. هجلس مع الإدارة بشأن تجديد عقده وهنختار الحل الامثل
📌في ناس بتتعب معايا للنجاح من عمال داخل النادي، حتى رئيس النادي بيدعمنا طول الوقت وبيوفر لينا المناخ لتحقيق كل شئ، نعمل في منظومة كبيرة ومناخ الأهلي دائما يساعد على النجاح
📌مفيش حد هيقلب وشه وهيلعب الاستمرار في التدريبات وظهورك بشكل جيد هو الشرط الأساسي للمشاركة في المباريات
📌تقييم مشوار موديست هيكون في اخر الموسم، وقرار رحيله من عدمه هيتحدد من خلال البدائل اللي هتتعرض عليا
📌شاهدت ماتشات كتير وقولت للجنة التخطيط على اللاعيبة اللي عايزها عرضوا عليا ناس تانية خالص وخسرنا محمد شريف لاني مكنتش عايزه يمشي بس هو اللي جالنا وقالنا عندي عرض و اصر انه يمشي فا لما شريف مشي حصل ازمة وقت فا قولت لازم اجيب مهاجم فري لان القيد اتقفل فا لقيت موديست لاني كنت بدور على مهاجم طويل وبيلعب بدماغه كويس ومكنش حد متاح غيره هو لاعب كويس وبيفيدنا في اوقات كتير ومقدرش اقول هيكمل ولا هيمشي دلوقتي
📌قرار رحيل سيد عبدالحفيظ كان قرار من مجلس الادارة، وانا متدخلتش فيه نهائي
📌إصابة ديانج هي سبب غيابه الفترة اللي فاتت عن الفريق، لكن لما رجع بدأ يشارك اهو زي ما نزلته في نهائي افريقيا
📌محمد الشناوي سيعود لمكانه في حال تأكد جاهزيته بنسبة 100% مع منتخب مصر
📌محمد الشناوي لم يرفض الجلوس على دكة البدلاء.. هو حارس وقائد عظيم
📌انا كنت متابع مصطفى شوبير من السنة اللي فاتت في التمرين، مصطفى حارس موهوب ورد فعله سريع جدا وانا سعيد جدا بالاداء اللي قدمه وانه كل ماتش كان بيتقدم عن الماتش اللي قبله
📌لا أرفض انضمام اللاعبين لمنتخب مصر لكنهم بحاجة إلى الراحة، يجب ضم اللاعبين للمنتخب في أيام الأجندة الدولية فقط
📌 سبب ثقتي في المترجم خالد الجوادي هو انه فاهم الكورة ومصطلحاتها، مهم ان وانا بتكلم ميبقاش فيه أي أزمة ولازم حد يبقى عارف كل مصطلحات الكورة بالمصري والالماني، وباخد بالي من ده من خلال تركيز اللاعبين مع كلامه وهو بيتكلم وانهم بينفذوا كل التعليمات
📌جمهور الاهلي بيحب لاعب الكرة الحريف، امام عاشور لاعب دولي وكبير وحتى مع الزمالك كان بيقدم مباريات رائعة، وقدم مباراة رائعة ضد الترجي واكيد سعيد جدا لوجوده معايا
#الأمين_الإخباري#مصر
تعليقات
إرسال تعليق