خالد الغندور : مرتضى منصور أخطأ لأنه عمل عداوات
الإعلامي لطفي الزغبي :هل الرأي ده كنت مقتنع به لما كنت موجود؟
الغندور : آه طبعا .. دورك كمقدم برامج متقولش لرئيس النادي أنت غلط
لطفي الزغبي : هو كان بيحرجك على الهواء وبينتقدك بطريقة جارحة
الغندور : عمره ما عمل كده .. أنا كنت بحتويه
الزغبي : مرتضى لما كان بيعمل مكالمات كنت بحس إنك قدامه طفل صغير ومكنتش بتناقش وأنت ولا نفس
الغندور : كنت ساعات بختلف كتير
الزغبي : أبدا .. مكنتش بتختلف معاه أنا شوفت كل الفيديوهات
الغندور : لو رئيس القناة وليها اتجاه هتختلف معاه على الهواء؟
الزغبي : هختلف معاه لو خالف مبادئي وقيمي .. أنا مسؤول عن البرنامج ولا أسمح لأي شخص التدخل في برنامجي لو كان هو غلط .. ليه الكلام ده مبيحصلش في قناة الأهلي؟
المذيع : الاهلي فيه سيستم زي ريال مدريد إنما الزمالك في فوضي عارمه حتي لو تَغير الرئيس.. وستات البيوت بتعرف مشاكله، مشاكل الأهلي محدش سامع فيها عكس الزمالك بتاكلوا في بعض ومصر كلها تتفرج عليكم
الغندور: الزمالك طول عمره مُستباح من ولاده
المصلحه الشخصية فوق النادي عكس الأهلي
فوق الجميع عشان كده بينجحوا
المذيع : مرتضي منصور كان بيعمل مداخلة ويـهينك
عالهوا وانت تهز راسك بدون اي تعليق وبتغير رأيك
ومتقلب حسب مصلحتك
الغندور: انا خدام لقمة عيشي ولو رديت علي صاحب
شغلي هيقطع عيشي والمستشار كان صاحب النادي
وكله كان بيهز عشان ياكل عيش والجمهور مكانش
يقدر يفتح بوقه
المذيع : ليه لاعب زي امام عاشور يسيب الزمالك
ويروح الأهلي مع إنه كما يُقال من زوغره زملكاوي ؟
الغندور : لاعيبة الزمالك بيروحوا الأهلي عشان ياخدوا بطولات وشهره ومجد وفلوس وسُمعه طيبة إنما اللي
يمشي من الأهلي للزمالك بيكون الأهلي مش عايزه
المذيع: نورتني ياخالد وشكراً علي صراحتك
#الامين_الإخباري#
تعليقات
إرسال تعليق