شبانة :: هل فوز الاهلي بكاس نصف الارض "فيك"
وكل اللي اتقدم في الملعب بعد الفوز علي العين مسرحية؟
أولاً لكل مجتهد نصيب وتوفيق ربنا سبحانه وتعالي يذهب لمن يجتهد الاهلي اجتهد واصبح بطل نصف العالم وده لقب مهم وكبير وتاريخي وبعد 100 سنه هيتقال سنة 2024
الاهلي حصد لقب بطل نصف العالم🌎🏆
بعض الناس شككت في اللقب قالك FIFA مين ياعم هو في حد جه من FIFA ؟
ماهو هاني ابو ريده عضو المكتب التنفيذي وممثل الفيفا لتسليم الجوائز! يعني انت شايف الماتش والجمهور والميداليات والكاس ومسرح وتصوير و2مليون دولار كل الكلام ده من نسيج خيال الاهلي ومفيش حاجه اسمها
كاس نصف الارض!
يعني انفانتينو وتهنئة الاهلي علي موقع FIFA الرسمي
ده بالإتفاق مع الاهلي!!
الناس اللي تقلل من الانجاز دي خيابه، الشطارة انك تجتهد وتحقق نفس الإنجاز أو اكتر، لما يبقي في واحد في الشغل احسن منك فانت تقعد تغــل عليه وتشده لتحت وتبقي عايز تخلص عليه ده انحدار في هويتك
ناس خايبه مش عارفه تبقي زيك فبتحاول تقلل منك
الناس اللي أفكارها سطحية اشتغل علي نفسك عشان تنجح وتوصل العالميه زي الاهلي مع أن دي صعبة علي اي حد .
#الأمين_الإخباري
تعليقات
إرسال تعليق