#علاقات مؤذية فك التعلق....
#ما الاسباب التي تجعلك عندك أمل في العلاقة برغم إنها مؤذية ليك؟؟
التعلق العاطفي العميق نمط التعلق بتاعك لو غير أمن في الغالب هيكون وجودك في العلاقة مبني علي التعلق بالشخص
مش التواصل معاه ، وده بيخليك تواجه صعوبة في الابتعاد
أو إنهاء العلاقة لأن هنا البعد أو التخلي كأنه بيكون خسارة
لجزء من الذات بسبب إرتباط نمط تعليقك الغير الأمن بإحتياجات نفسية جواك متسددتش من الطفولة
#الأمل في التغير
كثير من الناس الايجابية بيتمسكوا بعلاقات مؤذية علشان
عندهم إعتقاد أن الشخص الأخر هيتغير في المستقبل
وأن هو اللى هيساعد علي التغيير وإن وجود العلاقة في حد ذاته هيكون دافع في التغير ودا طبعًا مش بيحصل
علشان الشخص المؤذي من سماته اللاشعورية أنه بيرفض
التغير
#الخوف من الوحدة
إنك تخاف أن ممكن تبقي وحيد أو إنك مش هتعرف تدخل في علاقة تانية ،وهنا الوحدة بالنسبة ليك هتبقي شيء
مخيف وهتفضل تقعد في علاقة غير صحية أكثر من مواجهة الوحدة.
#الدورة النفسية للإساءة والتسامح.
أهم علامة تؤكد تأكد إنك في علاقة مؤذية هي دورة الإساءة
وهي دورة عبارة عن مراحل بين اللطف الكلام الحلو والمعسول ثم الاساءة وبعد كدة التصالح والوعود والتسامح
وهكذا..تفضل الدايرة ماشية علي الشكل ده وده بيدي أمل
ليك إن دماغك بتتبرمج علي كده وبيحصل حاجة جواك
إسمها بتخليك دائما مربوط بالعلاقة وعلي استعداد تغفر
مهما كانت الاساءة..
فقدان الثقة بالنفس ونقص الاستحقاق أثناء العلاقة
لو الشخص المؤذي بيركز علي النقد والاستهزاء وقلب الترابيزة ده ممكن يركز علي إستحقاقك وتحسين إنك متستهليش أفضل من كده ف اللى نعرفه أحسن من اللى منعرفهوش
#طيب ايه الحل في حكمة جميلة بتقول:
ما دام الشيء لا يعطيك إلا الحزن فلن يأتي يوما ليعطيك السعادة..
والعلاقة المؤذية بستنزف الطاقة والمشاعر وبتحوله لأرهاق وتعب..
الأمل بدون ما يكون مبني علي واقع ملموس وليه نتائج واضحة وتحسن فعلي يبقي وهم وسراب مش أمل
فلو كل شوية هتبني أمل علي أساس إن اللى قدامك
هيساعدك أن تكون العلاقة أفضل ويستثمر فيها ويبذل
ودا ما بيحصلش إنتي كده عايشة الوهم وبتخدعي نفسك
في مقوله بتقول التفاؤل بدون خطة مجرد وهم
في باب في الفقه أسمه فقه الأولويات
علشان تبني إولوياتك صح بتبنيها علي اساس الله ..انا ..الاخر.. لذلك أي تغيير في المعادلة دى بيدخلك في
شرك والعياذ بالله ، بالإضافة حفظ النفس ضرورة
ومقصد من مقاصد الشريعك..
فلو علاقة هتسسب في أذي ليك سواء جسدي أو نفسي او معنوي أنت كده بتضري نفسك
#وأخيرًا
إحسبها مكاسب وخسائر ولو الخسارة أكثر أنت محتاج تحصن نفسك بالقوة النفسية وتشتغل علي نفسك أوي
واستقلاليتك عشان تقدر تواجه تحديات القرار.
#الشخصية_النرجسية
#النرجسية
#صحة_نفسية
#استوصوا_بالنساء_خيرا
#الأمين_الإخباري
تعليقات
إرسال تعليق