بما إن صديقنا إيهاب عمر كتب عن موضوع توقع قصة طه عزت فحابب احكي قصة لطيفة بتبين كيف تدار الأمور في الوسط الرياضي
كنت بسمع الراديو فلقيت أحد المذيعين الزملكاوية بيستضيف واحد أيام هجوم نادي الزمالك على عامر حسين .. الشخص ده المفروض أنه كان شغال في الدوري الاماراتي بس حاليا قاعد في مصر ومبيشتغلش .. وجايبه قاعد يتكلم عن اللي المفروض يحصل في الدوريات المحترمة ومبيحصلش في مصر
بعدها بكام يوم لقيت نفس الشخص عامل مداخلة على الراديو مع شوبير .. وواضح من سياق المداخلة وتقديمته إن شوبير ميعرفوش .. ففهمت إنه مجايب فريق الإعداد في اون .. واللي متابع اغلب فريق الإعداد في راديو أون على بروفايلاتهم هيعرف انتمائهم بسهولة
ف في الوقت اللي نادي الزمالك بيطالب برحيل عامر حسين .. بيجي شخص يتقدم على إنه الراجل المحترف اللي جاي من بلاد الامارات المحترفة .. والراجل خالي شغل وقاعد في مصر .. وبيتقدم من مذيع زملكاوي وبعده بيتزق في مداخلة مع شوبير كمان .. واضحة خالص حد ما قرر أنه يعرض البديل وبيسوقه بقبول وترشيح زملكاوي .. فكتبت البوست بتاع طه عزت في الطريق إليك
واللي متابع التاسعة بتوقيت الأهلي هيلاقينا عاملينله تايم لاين مع اصدقائي رضا غانم وشادي صبري هتتأكد منه إن الراجل ده مش مجبر لكنه مختار أن يكون ده توجهه .. وبالنسبالي نقطة التحول الظاهرة واللي بتكشفه بشكل واضح لما طلع قال إن مش بعد كل ماتش الناس هتعمل توجه عام لمعاقبة جمهور الزمالك حتى لو معملوش حاجة .. هنا ده بقى واضح إن ده توجهه الشخصي ..وانا عارف إن في مصر ممكن يكون في تعليمات بعدم معاقبة جمهور الزمالك قبل القمة سواء مع عامر حسين أو طه عزت .. انما إن هو نفسه يطلع يدلس بالشكل ده ويقول إن الناس بتحاول تصنع توجه عشان جمهور الزمالك يتعاقب ويتجاهل كل تجاوزات جمهور الزمالك قده يبينلك إنتماء وتوجه الشخص ده .. وعشان كده من قبل انتشار سكرينات اللي بتوضح أنه زملكاوي كنت متيقن إنه راجل زملكاوي وانتماؤه فاضحه بشكل فج ومش قادر يخبيه
أحمد الغمري
#الأمين_الإخباري
تعليقات
إرسال تعليق