خالد حسن زكريا
مواليد 1990 من سكان حي المعادي بالقاهرة
الحكاية بدأت سنة 2011 لما التحق بدورة تدريبية من مصر اونلاين تبع جامعة تل أبــيب وفي الدورة دي تم استقطابه وتجنـيده بشكل جزئي .
بدأ ممارسة أنشطة سياسية في مصر مع بعض الكيانات وقتها زي 6 ابريل وجماعة الاخوان وكان دوره هو انه يجمع أكبر قدر من المعلومات عن الحراك في مصر ويشارك فيه وينقله .
لحد ما وصلنا لسنة 2014 وهنا أول سفرية لخالد وكانت لقبرص، وهناك ألتقى بظابط التشغيل في جهاز الموســاد الإسرائــيلي اللي استلم خالد وجنده تجنيد كامل برغبة كاملة من خالد اللي قال ان ابوه كان بيربيه على معاداة اليـهود من صغره وانا مش عايز يرجع مصر تاني أبداً ولا حتى يشوف أهله
الموســاد بدأ يشغله كجاسـوس في قبرص واليونان يلم معلومات عن المصريين والعرب هناك ويحاول يجنــدهم ثم بعد كده تم نقله لبريطانيا .
خالد كان جاســوس فاشـل محدود الامكانيات فالموســاد هنا حب يعمل بيه شغل مختلف، اتفقوا معاه انه هيبقى إسرائـيلي ويعيش في إسرائـ،،ـيل وياخد الجنسية ويبقى يهــودي كمان.. طب ليه عشان قال يعني كده يبقى الشباب المصري بيسافر من مصر ويروح إسرائـيل عشان مصر بلد الظـلم والفــقر والاضــطهاد وإسرائـيل هي بلد الحرية والاحلام .. فكانوا عايزين يخدوا بيه لقطة علينا .
وفي 2016 اعتنق خالد اليهــودية وبقى أسمه موشا زاخريا واخد الجنسية الإسرائــيلية .
بقوا يستضيفوه في الاعلام بصفته مصري إسرائـ،،ـيلي خرج من مصر الوحشة لإسرائـيل الجميلة وانه عايز يعمق السلام بين مصر وإسرائــيل وينهي حالة العـ،،ـداء والكــراهية الموجودة .
- رجع على بريطانيا وهناك اخد الجنسية البريطانية كمان واشتغل هناك مع التنظيم الدولي للاخوان في مشاريع كتير، ومسكوه كذا منصب أبرزهم انه أصبح عضو المجلس الاستشاري لمبادرة "صوت الشعب" اللي أطلقها الرئيس الإسرائــيلي إسحاق هرتسوغ .
خالد حسن أو موشا زاخريا مهمته حالياً بعد ما بقى يشتغل في العلن وبقى أسمه معروف في الخارج انه صياد لكل المتعاملين الراغبين في العمل مع الموسـاد، سواء عناصر إعلامية أو نشطاء سياسيين أو شخصيات عادية بيقوم خالد بتجنــيدهم وتوصيلهم بظباط تشغيل الموســاد في بريطانيا .
- خالد على صلة وثيقة جدا بكل العناصر الإعلامية الإخوانـ،،ـية اللي بتشتغل في بريطانيا وبيعتبر حلقة الوصل الرئيسية بينهم وبين الموسـ،،ـاد في اسرائــيل، هو اللي بينقلهم التكليفات وهو اللي بيحاسب اللي بيغلط منهم وهو اللي بيقبضهم .
- وطبعاً هو متجوز من بريطانية يهـ،،ـودية .
المهم بقى في الموضوع بعد المعلومات اللي كشفتها لحضراتكم أن الموســاد كده أحسنله يرميه في الزبــالة .. ليه
لأن أي حد هيقرب من خالد حسن في بريطانيا أو في أي مكان هيبقى مكشوف واتعرف انه على علاقة بالموسـاد، وبالتالي أي جهاز مخابرات مراقب ومهتم هيعرف بمنتهى السهولة ان أي حد يقرب من خالد فهو مشروع عميل جديد وبالتالي خالد ضاع خالص كده لأن شغله بيعتمد على السرية .. واحنا هنا كشفنا سره بالمعلومات .
طب هل دي كل المعلومات اللي معايا ؟؟ لأ لسه في صور لخالد في إسرائــيل وفي بريطانيا وهو مع ظباط التشغيل ومع عمــلاء تم تجنــيدهم من عدة دول عربية .. ودي صورة منهم لكن هنشر الباقي في الوقت المناسب .
حد ممكن يقولي طب والمخابرات المصرية فين لا المخابرات المصرية بتستفيد الإستفادة القصوى من خالد لان زي ما شوفتوا كده هو مركوب من فوقه لتحته وعرفنا عن طريقه معلومات اهم بكتير من ان لو كان تم القبض عليه .. بس خلاص خدنا اللي عايزينه منه ومبقاش له لزمة دلوقتي .
الخلاصة أن دي رسالة صغيرة وبسيطة للموســاد انا نشرتلكم غسيل العميل بتاعكم وكشفته قدام الناس كلها.. وبالتالي لا هتعرفوا تشغلوه ولا تستفيدوا بيه ولا تعملوا حاجة غير انكم تسرحوه أو تخلصوا منه لانه بقى كارت محـ،،ـروق الكل هيخاف يقرب منه أو يتعامل معاه تاني لانه هيتكشف
المرة الجاية لما تحبوا تهـددوني أبقوا نفذوا على طول عشان التهـ،،ـديد بالكلام بيجيب معايا نتيجة عكسية زي ما شوفتوا كده شالوم
المواطن مصري
#الأمين_الإخباري
تعليقات
إرسال تعليق