#ملابسات مهمة جدًا في#قضية_ياسين قبل النطق بالحكم بكرة..
المدرسة بتنفي إن لها فناء أو حوش خلفي زي ما الطفل ياسين قال إن الناني كانت أحيانًا بتوديه للعجوز علشان يغتصـ* ـبه في حوش فيه عربية مهجورة، بس لو رجعت في فيديوهات قديمة متصورة للمدرسة هتلاقي إن المدرسة كانت متصلة بباب خلفي موجود في الصور تحت بفناء أو حوش مُحاط بأسوار مينفعش يتدخل له إلا من خلال المدرسة، ودي قطعة أرض متصلة بالمدرسة وملك لها، ولو رجعت لخرايط جوجل ماب بتواريخ قديمة هتلاقي إن الباب كان موجود وحاليًا تم غلقه وبقى الحوش خاص بنفسه واتعمل له باب تاني خالص بيودي على الشارع مالوش علاقة بالمدرسة، والتجديدات دي اتعملت تقريبًا وقت البلاغ الأول من والدة الطفل، علشان القضية تبوظ وتبقى أقوال الطفل مجرد خرافات وخيالات ويبقى طفل مش طبيعي ومريض وعنده مشاكل نفسية زي المدرسة بتاعته ما شهدت في النيابة برغم إن الطبيب الشرعي أثبت اغتصـ* ـابه.
دا غير إن فيه صورة من حوالي سنة متعلم عليها برقم 2 تحت هتلاقي إن فيه عربية مركونة شبه الباص وارد جدًا يكون هي اللي حصل فيها هتك العرض زي ما الطفل قال كان الراجل دا بياخده في عربية مهجورة في فناء المدرسة.
تعالى اصدمك أكتر بقى، في الصورة الرابعة هتلاقي متعلم على مظلة عربيات من فوق بعلامة +، الصورة اللي بعدها صورة للمظلة من قريب ومركون تحتها عربية حمرا متربة مطابقة لرواية الطفل وارد برضه جدًا إن هي اللي يكون حصل فيها الهتك ووارد تكون العربية اتشالت اصلًا.
بس همَ دلوقتي بيلعبوا على نقطة إن المدرسة ملهاش أصلًا فناء خلفي!
طبعًا تفريغ الكاميرات بيكون مدة أقصاها من شهر لـ6 شهور حسب حجم الهارد، ولكن Google Maps موقع عالمي وسهل جدًا تجيب الدليل من عليه.
الصورة الأولى واللي واضح فيها الباب الخلفي للبناء متاخدة من أهالي المنطقة بالصدفة واحد كان بيصور فيديو قديم وشاف إنه دليل للقضية.
أرجو من الشرطة مراجعة الحاجات دي بتواريخ قديمة علشان هيتلعب عليها بشكل كبير في محاكمة بكرة.
ولأننا مش عارفين نوصل لمحامي الطفل بسبب ضغط الرسايل اللي بتوصل له، حاولوا تساعدوا إنتم في انتشار الأدلة دي على السوشيال ميديا.
زي ما ساعدنا كتير من خلال الصفحة هنا إن ناس كتير تاخد حقوقها.
#محمد_صاوي
#الأمين_الإخباري#
تعليقات
إرسال تعليق