#الإعلام_التونسي:#الأهلي_المصري تخطى حدود الرياضة و تحول لماكينة اقتصادية و دبلوماسية عملاقة

#الإعلام_التونسي:#الأهلي_المصري تخطى حدود الرياضة و تحول لماكينة اقتصادية و دبلوماسية عملاقة 

معسكرهم في تونس أعاد اكتشاف مدينة طبريا و أصبحت حديث العالم و الصحف و المواقع 

الإعلامي التونسي سمير الوافي 🗣:

اختيار الأهلي النادي الأعظم في إفريقيا لتونس مكانًا لإقامة معسكره قبل الموسم الجديد شرف كبير لنا، وجود فريق بحجم الأهلي هُنا بإنجازاته وتاريخه وشعبيته الضخمة ليس فقط تسويق لكرة القدم، ولكنه تسويق سياحي لمدينة طبرقة الجميلة.. شكرًا للأهلي وجماهيره، وننتظر زيارتكم مرة أخرى قريبًا 🦅❤️

أنت متخيل الإعلام في تونس مفيش كلام غير عن معسكر الأهلى فى مدينة طبرقة التونسية وان محصلش في تاريخ تونس التسويق والترويج لمدينة تونسية زي اللي حصل من دِعاية لمدينة طبرقة بسبب تواجد معسكر الأهلي فيها..

لما يطلع مسؤل فى المدينة يقول إن أندرلخت البلجيكي عمل معسكر قبل كده في طَبَرْقَة ولكن مكنش في حجم تأثير معسكر الأهلي. ويقولك والله الأهلى عرفنا إحنا التونسه إن طبرقة بالجمال دا..

عايز تعرف عقود الرعاية للأهلى وصلت زيها زى فرق كتير كبيره في أوربا ويمكن أكتر. شوف الأهلي لما بيروح الإمارات وشوف موسم الرياض واهتامهم بوجود الأهلي في السعودية شوف الأهلي في إفتتاح كأس العالم للأندية وال3 مباريات اللى لعبهم جمهوره كان قد ايه..

انت عارف بقي بعد كل دا إن منظومة كرة القدم المصرية مش قادرة تستغل وجود الأهلي اللى دول تانيه غير مصر بتتسابق علي وجوده عندهم ❤️🦅🇪🇬

الاهلي لعب النهاردة تاني مباراة وديه امام البنزرتي التونسي استعدادا للموسم الجديد و قدر يكسب بخماسيه نظيفه ! 

بعيدا عن النتيجة ، فالاهلي اخيرا بدأ يلعب كورة نضيفه و منظمه الي حد ما متشافتش من زمن كبير بسبب امتلاكه ل مدرب معجون كورة زي خوسيه ريبيرو !

ريبيرو النهاردة في بناء اللعب كان بيوظف حارس المرمي بين قلبين الدفاع علي نفس الخط و خلي الظهيرين جوة الملعب مع لاعب الارتكاز عشان يزود زوايا تمرير قصيره في المنتصف و يبدا يخترق مساحات المنافس علي الاطراف بالاجنحه ! 

كانت نتيجة ده ان الاهلي سجل هدفين من عرضيات و سجل هدف من بناء لعب متكامل من اول الملعب الي اخره و سجل هدف عن طريق الظهير و هو داخل الملعب ! 

مباراة ورا التانيه و تجربة ورا تجربة لعيبه الاهلي بتشرب طريقه ريبيرو اكتر و لو فعلا التزموا بكل ادوارهم و اتقنوها ، الاهلي هياكل الاخضر و اليابس الموسم الجاي مع ريبيرو حرفيا 👏❤️

#الأمين_الإخباري