الرجل الذي قضى على الإمبراطورية البريطانية

 

عشان تعرف قد ايه بعض مستخدمي الفيس بوك تعرضوا لعملية غسيل مخ لم يسبق لها مثيل .. بص للصورة وشوف التقرير 

.. 

الصورة حولها الاخوان ومراكيبهم ممن اتبعوهم بضلال الى يوم الدين الى ميم للسخرية من عبد الناصر وبقوا بيستخدموها للاستظراف في التعبير عن الفشل .

فيشاء المولى عز وجل ان الانجليز بعد اكتر من خمسين سنه من رحيله لما يعملوا تقرير عن سقوط الإمبراطورية البريطانية التي كانت لا تغيب عنها الشمس يستخدموا نفس الصورة ويكتبوا ان الشخص ده هو اللي قتل الإمبراطورية .. وغالبا لقيوا كلمة قتل تقيله فغيروها لاحقا في النسخة الالكترونية الى كلمة أنهى وغيروا كلمة الإمبراطورية خلوها الاحتلال البريطاني ( طلع عندهم رقابة 😂) بس لسه العنوان الاصلي بيظهر في بحث جوجل ولما تفتح تلاقي متغير 😃... الموضوع ببساطة مافيهوش مبالغة منهم ولا حاجه .. الانجليز كان اهم منطقتين لهم في الشرق ايه ؟ قناة السويس ومضيق باب المندب .. فطردهم من قناة السويس .. وما سابهمش راح وراهم اليمن لغاية ما هربوا من اليمن الجنوبي .. وبكده بقى بريطانيا زي اي دوله هنا .. وكان في مستعمراتهم في الدول الافريقية فعمل منظمة الوحدة الافريقية وفضل وراهم من بلد لبلد لغاية ما طلعوا والموضوع عدوى امتدت لباقي مستعمراتهم في باقي العالم .. ولذلك صحيفة ديلي تليجراف وصفته بوصف Arab  

firebrand

.. من الاخر موضوع ثورة يوليو اكبر من قصة انك عاجبك طربوش الملك ولا انك بتصدق ان كان بيسلف بريطانيا وكانت الموضة بتنزل كفر ابو ليفه قبل ما تنزل في روما .. الموضع اكبر من إدراكك لو انت بتصدق الكلام ده. 

الموضوع حدث عالمي شرارته كانت في مصر

#مبروك_حمدي

#الأمين_الإخباري