🔴 يا راكع ومذلول للخواجه .. مفيش اعتذار لأهل بلدك .. لما "أيقونة نضال السرسجية" يعتذر للصهاينة عشان الجنسية البريطانية .. اللي بيحصل في لندن اليومين دول مش مجرد خبر سياسي عابر دي مسرحية كوميدية سوداء بتعري كل النخبة والحقوقيين بتوعنا اللي صدعوا دماغنا سنين بـ "حرية علاء" !!
تخيلوا "الأيقونة" اللي عملتوا منه بطل قومي في مصر وشتمتوا الدولة وجيشها وشرطتها عشانه
أول ما وصل بريطانيا قبلة الحريات المزعومة حصل إيه ؟
استقبلوه بالورود ؟ لا أبداً .. الإنجليز مابيهزروش في أمنهم !
🔴 في 24 ساعة بس .. الأسد بقى قطه.
في مصر بيشتم ويحرض ويدعو لحرق الأقسام ولما حد يحاسبه تقوم الدنيا وتقولوا "حرية رأي"
لكن في بريطانيا ؟ الوضع مختلف تماماً.
بمجرد ما وصل السياسيين والإعلام هناك (يمين وشمال) طلعوا ملفاته القديمة.
مش ملفات نضال لأ .. ملفات "التطرف"
طلعوا تويتاته اللي كان بيدعو فيها لقتل "الصهاينة" والشرطة المصرية واصحاب البشرة البيضاء !! النتيجة ؟
رئيس الوزراء البريطاني نفسه اتهاجم لإنه رحب بيه .. نواب البرلمان طالبوا فوراً بسحب الجنسية منه وترحيله !
قالوا عليه "خطر على القيم البريطانية"
🔴 قمة العار .. الاعتذار "الاستراتيجي" للصهاينة !
وهنا بقى المضحك المبكي علاء عبد الفتاح، اللي عمره في حياته ما قال "آسف" لمصري واحد اللي عمره ما اعتذر لضابط شرطة مصري حرض على قتله ولا لزوجة ضابط دعا لاغتصابها وإهانتها ولا لأي أسرة مصرية اتأذت من تحريضه
تفتكروا عمل إيه لما "الباسبور البريطاني" اتهز ؟
ركع واعتذر أيوه طلع بيان اعتذار رسمي "طويل عريض" باللغة الإنجليزية، بيعتذر فيه "للصهاينة" وللمجتمع البريطاني وصف كلامه عنهم بإنه كان مؤذي (Hurtful) وإنه ندمان عليه !!
يا سبحان الله! التحريض على دم المصريين كان "ثورة" و"بطولة" بس الكلام عن الصهاينة طلع "غضب شباب" ولازم نعتذر عنه عشان "أكل العيش" في لندن؟
🔴 الدرس اللي لازم يتبروز : الموقف ده بيثبتلكم حقيقة مرة لازم كل مخدوع يفهمها "المتطرف اليساري" ده أخطر وأسوأ بمراحل من الداعشي والاخواني ليه؟
لأن الداعشي بيقتل باسم فهم مشوه للدين لكن اليساري المتطرف اللي زي ده اللي واخد ربنا نفسه عدو ليه معندوش أي سقف أخلاقي ولا رادع ديني.
ده مستعد يتحالف مع الشيطان ويعتذر لأعداء بلده وأهله وينسى كل مبادئه في ثانية بس المهم مصلحته الشخصية وتفضيله عند "الخواجة"
دمويته مالهاش كتالوج لأنه بيشوف نفسه هو الإله وهو القانون.
يا ريت بقى "الحقوقيين" بتوعنا اللي كانوا بيزايدوا علينا يورونا وشهم دلوقتي
بطلكم "المغوار" بيعتذر لبريطانيا وللصهاينة عشان يعيش وأنتم لسه بتسقفوا له على الخراب اللي كان نفسه يحصل في مصر؟
شفتوا الفرق بين دولة (بريطانيا) بتحترم أمنها القومي وشعبها ومبتسمحش لمحرض يعيش وسطها دقيقة واحدة
وبين ناس عندنا عملوا من المحرض "مانديلا"
التاريخ مش هيرحم حد .. واللي بيحصل ده "فضيحة" بجلاجل لكل واحد دافع عن التطرف ده.
----------------
.
🔗 المصادر (عشان محدش يقول بنتبلى علي مناضل السرسجية)
1️⃣ الاعتذار الرسمي المذل: علاء عبد الفتاح يعتذر في الصحافة البريطانية ويصف تغريداته ضد الصهاينة بأنها "مؤذية وصادمة": https://www.theguardian.com/world/2025/dec/29/british-egyptian-rights-activist-alaa-abd-el-fattah-apologises-for-hurtful-tweets
2️⃣ المطالبات بالترحيل: هجوم شرس من السياسيين البريطانيين ومطالبات بسحب الجنسية فوراً: https://www.itv.com/news/2026-12-29/starmer-faces-calls-to-strip-uk-citizenship-from-egyptian-activist
3️⃣ غضب الصهاينة: تقارير إسرائيلية تحتفي بالهجوم على علاء وتوبيخ رئيس الوزراء البريطاني لترحيبه بشخص دعا لقتلهم: https://www.timesofisrael.com/starmer-under-fire-for-welcoming-egyptian-activist-who-called-to-kill-all-zionists
4️⃣ الحكومة تتبرأ: الحكومة البريطانية تضطر لإصدار بيان تصف فيه تغريداته بـ "المقيتة" https://www.foxnews.com/world/uk-prime-minister-slammed-welcoming-home-freed-egyptian-prisoner-after-social-media-posts-resurfacehttps://www.foxnews.com/world/uk-prime-minister-slammed-welcoming-home-freed-egyptian-prisoner-after-social-media-posts-resurface
#سقوط_الأقنعة
#علاء_يعتذر_للصهاينة
#التطرف_واحد
#اليسار_المتطرف
#علاءعبدالفتاح
#علاء_عبدالفتاح
#علاء_عبد_الفتاح
#بريطانيا
#داعش
#الاخوان
محمد عبدالحي
#الأمين_الإخباري
تعليقات
إرسال تعليق