#الأسطورة و سنوات التغفيل

 

مهيب عبد الهادي:

طبعًا حديث المدينة وحديث الشارع المصري هو الكابتن عبد المنصف، في أول ظهور له بعد فترة غياب طويلة جدًا. بنقوله حمد الله على السلامة يا أوسة

عبد المنصف:

الله يسلمك. وأنا ما كنتش غايب ولا حاجة، أنا كنت مشغول بس عندي تمرين وماتشات ما كنتش مختفي ولا مستخبي

مهيب:

 قلبت الدنيا في يوم وليلة. أنا عايز أتكلم بشفافية النهارده علشان نقفل الموضوع ده خالص. الحياة العائلية حاجة خاصة جدًا لأي لاعب، لكن لما تكون نجم معروف يبقى فيه كلام عشان نقفل باب القيل والقال

عبد المنصف: 

طالما انت ارتضيت ان انت شخصية عامة في اي مجال فطبيعي جدا ان الناس تتكلم عليك او يبقى فيه نقد وفيه حاجات بتعملها اجادة فالناس بتمدح فيك فده طبيعي ، الحتة اللي مش طبعية دايما حتى انا من ساعة ما بدأت حتى حياتي ما بتكلمش كتير على اسرتي ما بتكلمش كتير على الحاجات العائلية دايما بتكلم على شغلي 

الموقف ده خاص خالص ملوش علاقة بقى بشغلي ليه علاقة بشخصي ليه علاقة بعيلتي ليه علاقة بحاجات أسرية مش طبيعي ممكن الناس تقول أو تتكلم وكل واحد يعني يقول اللي هو عاوزه بس في الآخر الحاجات دي دايماً بتبقى مع العيلة مقفولة باحترم كل العيلة ما شفتش حاجة كتير أوي بالحاجات اللي فاتت

 آه سمعت بس كنت مهتم أوي بشغلي عارف انا كان ممكن خطأ في ايه وممكن تقديري في ايه مكانش 100% ولكن في الاخر الموضوع كله حاجة عائلية احنا بنغد على الترابيزة كأسرة وبنصارح بعض بالحاجات فانا مش شايف ان الموضوع كان ممكن يكبر زي ما ما حصل عادي موضوع عادي 

كم حاجات بقى بتتقال بقى ان انا الخاين بقى و الكلام الفارغ و الحاجات اللي ما لهاش لازمة دي. دي موضوع ما كانش صح انها تتقال

مهيب:

 لما اتقال عليك الخاين و الكلام ده حسيت بإيه؟

محمد عبد المنصف:

حسيت ان الناس مش فاهمة حاجة. يعني الناس بتتكلم وخلاص مش فاهمة الموضوع. يعني الكلام ده يعني لازم كل حد بيبقى بيقول حاجة لازم يبقى يبص النفس الاول تشوف هو ايه. خليك في عيلتك خليك في أسرتك خليك في حياتك

الناس ساعات ما بتاخدش بالها فبتقول رأيها في حاجات هي ما تعرفهاش مش في الكواليس مش عارفة حاجة ولكن انا زي مبقولك كلنا كده مع بعض عيلة واحدة بالنسبالي وما كنتش حابب طبعا ان اي حد يتكلم في الموضوع ده وكنت بازعل جدا ولكن في الاخر انا اخدت الموضوع بصدر رحب وعيلتي فهمت الموضوع

مهيب: 

ايه ابرز الحاجات اللي ضايقتك وضحكتك ووقفت قدامها

محمد عبد المنصف:

طلعوني بقى ان انا بقى الأسطورة والله أنا كنت أسطورة في الكورة وعامل أرقام كتيرة جدا

مين اللي طلعك أسطورة بس قولي

صحابي وكدا وتعليقات وناس زمايلي أما بيقابلوني وكدا وبتاع الأسطورة بتاعتنا والكبير بتاعنا والجامد بتاعنا ، شايف الموضوع عادي مفيش الموضوع مرحش لكدا الموضوع مش بالشكل ده وأحمد حسن قاللي انه قال لعصام الحضري بتقول انت اسطورة منصف هو الأسطورة

مهيب:

 انت كنت حارس مرمى وطبيعي يخش فيك أجوان وطبيعي المهاجم يغفل حارس المرمى انت بقى غفلت ناس 7 سنين

#الأمين_الإخباري