أولاً شكراً لبلدنا الثانية الجزائر على كرم الضيافة.
ثانياً الواحد حابب يوضح ان نادى شبيبه القبائل الجزائري ده نادي محترم وجمهور محترم ولاعيبة محترمة مع انهم خرجوا من البطولة بس بعد الماتش سلموا على لاعبيه الأهلي حتى جمهور شبيبه القبائل نادوا على لاعبيه الأهلي بعد الماتش وحييوهم في لقطة جميلة جداً.
حتى لما تريزيجية اتصاب في الشوط الأول جمهور شبيبه القبائل فضلوا يصقفوا لتريزيجية وتريزيجية رد ليهم التحيه..
غير الاستقبال الجميل والروح الحلوة والملعب العالمى الجميل .
ده بعيدًا كمان اذاعتهم الماتش على النايل سات مش القناة المشفرة لسهولة مشاهدة المباراة ومصر كلها اتفرجت على الماتش في البيت ودى موقف جميل ومحترم والله.
حقيقي شعب الجزائر ده شعب جميل ودايماً بحب ماتشات الأهلي مع الأندية الجزائرية لما فيها من حماس وتشجيع وأجواء عالمية تخليك مستمتع بالمباراة.
لما يبقي المنافس محترم وروحه رياضية
لا بيحث عن حجج فارغة ومبررات و تقليل من انجازاتك، يبقي نرفع لهم القبعة
هارد لك لـ فريق شبيبه القبائل الجزائري المحترم.
وتحياتنا لـ شعب الجزائر الجميل 👏❤️
خاوه خالوه 🇩🇿🇪🇬✌️
#الأمين_الإخباري
تعليقات
إرسال تعليق