#كتيبة_المنسي

مسلسل الاختيار خلص تمام

_فى برنامج تلفزيوني جاب اتنين من ال 5اللي طلعو من كتيبه المنسي موقعة كمين البرث

حسنين وتايسون ✌💪

واللي فضلو عايشين وأقل واحد فيهم عامل ٣٥ عمليه تجميل ف وشه ورجليه

_تايسون❤ واحد منهم قال ان الجندي على💛على هو السبب اننا نعيش بعد ربنا، قال انه خد ٢٨ طلقه ف رجليه ودرعاته وفضل واقف ع السلم مفيش واحد كان بيطلع ومحدش قدر يطلع منهم، صوابع ايديه وكفه ايده وقعت ع دراعه وفضل ماسك السلاح مسابوش، البيت كله وقع مكنش فاضل غير الحمام شالنا كلنا بالواحد دخلنا الحمام، كان كل واحد من الكلاب يطلع يلاقيه ع السلم يخبطه طلقه ويتخبط طلقه لحد ما خد ٣٩ طلقه ف جسمه وف الآخر جيه نام ع صدري لما الدعم وصل وقالي متسبنيش يا تايسون

_تايسون بيقول اللي حصل ف المسلسل ميجسدش 5% من اللي حصلنا وشوفناه

_قال البطل على على نطق الشهاده وهو واخد ٣٩ طلقه هزت العريش هز كدا

_قال انه لما بيحكي لحد اللي حصلهم محدش بيصدقه وبيقولوله انت over

_قال ان منسي كان فوق ولما حد كان بيطلع يطمن عليه كان بيقووووله انزل تحت متطلعش انزل واوعى حد يطلع م السلم ولا يشوف الدور التاني، مفيش واحد هيتاخد مننا

_الحلقه كلها كانت عن البطل على على ابن الجماليه ❤️

_تايسون بيقسم بالله ان ما كان ف حته ف جسمه ما بتنزل دم وواقف يبصلي ويقولي اجمد يا صاحبي هتعيش وشال كل صحابي دخلهم الحمام ولما اطمن ان الدعم وصل نام ع صدري وقال متسبنيش ياصاحبي

_ربنا يرحمهم جميعا..🤲✌

#الأمين_الإخباري