تربية#الأهلي

 من فترة كنت بتفرج علي حلقة كريم نيدفيد مع ابراهيم عبدالجواد .. 

فبيساله مين الاعب اللي حاليا في الاهلي رغم العروض المالية المغرية وعصر الاحتراف اللي بنعيشه دلوقت مينفعش يروح الزمالك

قاله : محمد هاني مستحيل يلعب ف الزمالك لانه بيحب الاهلي جدا .. هو حاليا عنده 29 سنة دلوقت وأي لاعب بيفكر في الماديات في السن دا بس محمد هاني غير كدا 

_ وليد سليمان في مرة مع ابراهيم فايق قال اكتر لاعب في الاهلي مهتم بلياقته البدنية وبيطورها طول الوقت هو محمد هاني عشان كدا عمره ما اشتكي من اجهاد او اصابة عضلية غير بسيط مع انه اكتر لاعب بيبذل مجهود في الفريق ... 

_ كيروش لما كان مدرب المنتخب قال اكتر لاعب متأسس صح في الجيل دا في مصر هو محمد هاني، وهو إنه لاعب متأسس كرويًا بشكل ممتاز. طريقة الاستلام والتسليم عنده تحت الضغط بتفرّق بوضوح عن كتير من الموجودين في الملعب حاليًا ولو كان استمر في التطور بنفس المستوى اللي خرج بيه من الناشئين، كان دلوقتي يقدر يلعب في أقوى أندية أوروبا، لأنه يملك المقومات الفنية لذلك ، بس مفيش مدرب طورها معاه 

محمد هاني 10 سنين مع الاهلي اساسي. بعض الاعيبن في سنه وجيله لعبوا مع انديتهم فترات قصيره وفي اللي قدر يثبت نفسه ويعمل اسم لنفسه في فرق صغيرة

وفي اللي احترف وفشل .. وفي منهم نزل لعب درجة تانيه  

لكن محمد هاني بقي ثابت ف مكانه مع اختلاف كمية الدعم اللي خدها من جماهير الاهلي والانتقادات كمان...

وعايز اقولك كمان بعد أعتزال محمد هاني هيبقي ضمن تاريخ الاهلي في مركز الباك يمين لانه لعب قرابة ال 10 سنين و هيبقى اسم تاريخي مش عشان بطولات وبس، لكن عشان الثبات… عشان المكان اللي اتحجز باسمه سنين طويلة.

مفيش لاعب جه الأهلي وقدر يلعب عليه ، مفيش مدرب إلا وكان محمد هاني أساسي في مكانه 

جاريدو، فايلر، موسيماني، سواريش، كولر… الكل اعتمد عليه.

يعني أتبدّل مدربين وأتغيّرت خطط واتبدّلت أسماء كتير وهو أساسي و فاهم يعني إيه مسؤولية قميص الأهلي.

 عقلية محمد هاني في النادي الأهلي حولت كل الانتقادات والسلبيات الي ايجابيات وطور مستواه الفني بشكل كبير جدا وأثناء انتقاد جماهير الاهلي ليه وأحيانا كتير الانتقاد كان بيكون بطريقة مش كويسة لم يتداخل ولم يرد على احد

أنا شايف إن محمد هاني ليه مستقبل كبير جوه الأهلي

حتى بعد ما الكورة تخلص لان اللي متربي صح بيكمل صح.

ومحمد هاني متربي مرتين مش زي اللعيبة إللي طالعة تقلل في مدربين ويسفوا عليهم ، ولا عمره عمل نفسه نجم ولا طالب عقد عالي ولا يتساوي بعقد ولا تعرف مين وكيله من الاساس ، ولا ليه فى السوشيال ولا كل يومين يطلعلنا فى الاعلام يصدعنا

#محمود_يحيى 

#الأمين_الإخباري