شيع أهالي محافظة#بورسعيد جنازة فاطمة ياسر خليل، التي توفيت في ظروف غامضة خلال زيارتها رفقة أسرتها لمنزل خطيبها بقرية الكاب جنوب المحافظة.
وخرجت الجنازة من مسجد الكبير المتعال إلى مقابر الأسرة في حي الزهور، وسط صراخ وبكاء الأهل والأصدقاء.
اتهمت أسرة الفتاة خطيبها وإحدى قريباته وتدعى "شهد"، بقتل ابنتهم فاطمة، مؤكدين ثقتهم في القضاء المصري للقصاص من مرتكبي الجريمةوأوضح شقيق الضحية أن الأسرة كانت قد توجهت لزيارة منزل خطيبها بعد أن تم خطبتهما منذ أشهر، وقرروا المبيت هناك بسبب صعوبة العودة ليلًا لسوء حالة الطقس.
حسب شقيقها، طلبت "شهد" من فاطمة الخروج معها للتنزه، لكنها عادت وحدها وأكدت أنها لا تعرف مكانها، فيما أبلغهم خطيبها لاحقًا بالعثور على جثتها في الدور العلوي للشقة المخصصة للزفاف، بعدما طلب منهم عدم إيقاظه قبل النوم وأشار شقيق الضحية، إلى أن "شهد" كانت تغار بشدة من فاطمة، ما تسبب في العديد من المشاكل أثناء تواجدها مع خطيبها.
وجّه اللواء محمد الجمسي، مساعد وزير الداخلية ومدير أمن بورسعيد، بتشكيل فريق بحث من إدارة البحث الجنائي لكشف ملابسات الواقعة، وسؤال الشهود من الأسرتين ومحيط المنزل، والتحري حول ملابساتها. وحتى الآن لم تثبت التحقيقات وجود شبهة جنائية من عدمه، ويجري استكمال التحقيقات لكشف الحقيقة كاملة.
فاطمة ياسر 20 سنة وُجدت مقتـولة داخل بيت أهل خطيبها في ظروف غامضة وأخوها خرج منهار بيطالب بحقها ، وقال:
بطة دي مش أختي دي بنتي وكل حاجه ليا مبتخبيش عليا حاجه , أسرارها كلها معايا حتي أنا ممكن اخبي علي أبويا وأمي واحكيلها هي , أنا مش عاوز حد يتشنق , أنا عاوز أختي رجعولي أختي أبوس أيديكم!
-البقاء لله , أستهدي بالله وممكن تعرفنا بنفسك؟
أنا خليل أخو فاطمه العروسه الي مـ ـاتت في بيت أهلها عريسها
اختك الله يرحمها كان عندها كام سنة؟
20 سنة
طيب أحكيلنا الي حصل , أختك كانت بتشتكيلك من حاجه أو حد معين!؟
أه , شهد
مين شهد؟
دي قريبته بنت أخته , وبتغير علي خطيب أختي بطريقه غير طبيعية زياده عن اللزوم , قبل رمضان بكام يوم عريس أختي كان تعبان وعامل عمليه ناسور أمي خدت أختي وراحوا زاروه , بس شهد دي كانت هناك وحصلت مشاده بينهم هما الأتنين , 3 رمضان يوم الواقعه عزموا أهلي وراحوا ، وأختي بطة أخر واحده كانت معاها إلي أسمها شهد دي
-طيب أنت حاسس بأيه الي حصل أن الي أسمها شهد دي تصحي أختك تاني يوم الساعة 8 الصبح وتقولها تعالي أمشيكي , ليه؟!
أختي مكنتش راضيه فالأول وقالتلها سبيني يا شهد أنام ,بس هي أصرت علي أختي تصحي ونزلوا , بعدها بظبط بنص ساعة رجهت شهد و أمي كانت صحيت تجهز الأكل لفطار المغرب مع حماتها ولقيوها بتعيط جامد , مالك يابنتي؟ وفين فاطمه؟ قالتلها مفيش أنا تعبانه شويه وفاطمه دخلت تنام وبعدها دخلت أتوضت ومسكت المصحف بس قعدت مصلتش,
أمي أتلبخت وأتوترت , بعد كدا بعتت عيل صغير وقالتله روح شوف بطة بنتي نايمه ولا ايه, دخل وقالها نايمه, غابت شويه وبعتت واحده أسمها دعاء دي تبقي مرات أخو عريس أختي , دخلت بصت عليها وقالت لأمي نايمه لسه!
بس أمي بعدها قالت أدخل أصحيها كفايه , دخلت لقين بطاطين ملفوفين حولين بعض أكن حد نايم بس مفيش بطة! راحت تبص فكل حته بس مفيش أختي , راحت قالت لمحمود الي هو عريس أختي , ألحق شوف بطة بنتي فين , راح طالع فوق يبص في شقته الي عالمحاره والمفروض بيجهزها علشان هيتجوزوا فيها ومفيش دقيقة , قعد يزعق " ألحقوني! بطة مـاتت بطة مـاتت! " ، مـاتت؟ منين عرف أنها مـاتت ما يمكن مغمي عليها.
أمي طلعت شافت منظر صعب أوي علينا , أختي مـيـته ووشها وارم وفيه أيشارب حولين رقبتها و أيديها و رجليها كلها عفاره طينه ورمله ومحكوكين , أختي كانت بتفرفر وروحها بتطلع!
أخر مره شوفت أختك؟
كان عندنا محمود أول وتاني يوم رمضان فطر عندنا ,تاني يوم كان أخر مره أشوف أختي وهي عايشه , وبعدها شوفتها وهي متوفية في البيت
كان شكلها عامل ازاي؟
كان وشها كله وارم , فيه نقط حمره في كل وشها كأنه دم مخنوق وسنانها ولستها ورامين ومطلعين دم
فيه ناس بيقولوا أن عريس أختك شربها مخدرات!
أنا اخوها وبقولك مفيش شاب مبيشربش , وأه عريسها كان بيشرب.
أنا لما كنت بولع سجاير قدام أختي مكنتش بطيقها وكانت تكح , أختي متعملش كدا خالص
ايوه بس الناس مش فاهمين أيه السبب الي يخليهم يعملوا كدا فيها , يعني تكون في بيتهم ويخلصوا منها؟
حضرتك والله محدش عارف , الغريب أن عريسها كان بيحبها ويعاملها بطريقه كويسه خالص وبما يرضي الله
بتطالب بـ أيه ياخليل؟
حق أختي القضاء يرجعهولي , الموضوع كله عند شهد دي لازم نعرف هي عملت في أختي كده ليه , والله لو اتشنقوا كلهم مش هيكفيني حقي , أنا بحب أختي والله العظيم بنتي وأختي وكل حاجه ليا
#الأمين_الإخباري
تعليقات
إرسال تعليق