انجازات#الخطيب في الكرة لم يحققها أي مجلس و الصفحات المزيفة تخدم الكبار الكارهين ل#الأهلي

 

كابتن محمود الخطيب اللى عمله فى الأهلى فى ٨ سنوات ماتعملتش فى الأهلى منذ رحيل صالح سليم رحمه الله فى مجال كورة القدم

كابتن الخطيب 

اخد ٦ دورى + ٤ بطولة إفريقيا +٣ كأس مصر + ٦ كاس سوبر + ٢ سوبر افريقيا + ٣ ميدالية كأس عالم + بطولة انتر كونتنتال دا فى كرة القدم فقط مش هنتكلم عن الالعاب الاخرى 🦅

عمل فرع التجمع الخامس مفخره الفروع طور فرع الجزيره طور فرع الشيخ زايد 

فى طريقه لافتتاح حلم الجماهير استاد الأهلى فى الشيخ زايد ورغم كل ده طلب عدم ترشحه والجمعيه العموميه تمسكت به والجمهور نفسه رفض 🦅

صدقوني الجماهير هاجمت موسيمانى وبعده تمنت وجوده وهاجمت كولر ودلوقتى بيقولوا ولا يوم من ايامك ياكورلر 

والان بتهاجم الخطيب وبطالب برحيله ولو مشى الخطيب هتندم الجماهير أشد الندم وترجع تهتف باسمه وتندم فى وقت لاينفع الندم ماتمشيش ورا اللجان🦅

الجماهير هاجمت الشناوى وقالتلوا ارحل أو اعتزل كفايه كده وطالبت بمصطفى شوبير ودلوقتى بيطالبوا برقبة مصطفى شوبير 

الجماهير دى مستحيل تكون جماهير الأهلى صفحات مزيفة مأجورة تخدم الكبار الكارهين للأهلي 

فى الزمالك قعدوا ١٠ سنوات بدون بطوله حتى سموها العشريه السوداء انت زعلان لمجرد انك لم يصادفك التوفيق موسم فيه أخطاء ااااه فيه وهاتتصلح 🦅

الخطيب سلم ملف الكوره إلى الأستاذ ياسين منصور وكابتن سيد عبد الحفيظ من يناير من قبل انتقالات يناير ولا احنا بننسى ولا لازم نحمل كابتن الخطيب أخطاء الآخرين 

انا معاك أنه رئيس النادى لكن الراجل مالحقش ساب ياسين منصور وسيد عبد الحفيظ يصرفوا يغلطوا ماشى ويتعلموا وينجحوا أن شاء الله 

لكن بلاش نمشى ورا اللجان لأن فيه ناس كتير فى البلد مش عاوزين الخطيب رجاءا حافظوا على كابتن الخطيب 🦅

الناس اللى مش اهلاويه هايقولوا انت لجنه من لجان الخطيب انا بشجع كوره من ٥٠ سنه ياريت تبقى لجنه من لجان الخطيب كابتن الخطيب اللى حببنا فى الكوره وهو السبب أن شجعنا وحبينا عشقنا الأهلى 🦅

كابتن محمود الخطيب اللى عمله فى الأهلى فى ٨ سنوات ماتعملتش فى الأهلى منذ رحيل صالح سليم رحمه الله 

#الأمين_الإخباري